Գերմանական Կոբլենց քաղաքում գտնվող ռազմական տեխնիկայի թանգարանը (Wehrtechnisches Museum) կատարել է իր քաղաքականության մեջ փոփոխություն՝ սահմանափակելով մուտքը 26 երկրների քաղաքացիների համար։ Այս որոշումը կայացվել է ռազմական անվտանգության պահանջներից ելնելով։
Թանգարանի կայքում հրապարակված հայտարարության համաձայն՝ մուտքը արգելված է «Անվտանգության ստուգման մասին» օրենքի (SÜG) 13-րդ բաժնի 17-րդ կետում սահմանված երկրների ցանկում ընդգրկված անձանց համար։
Այս ցանկում, բացի Ռուսաստանից, Բելառուսից, Ուկրաինայից և Հայաստանից, ընդգրկված են նաև հետևյալ երկրները՝ Աֆղանստան, Ալժիր, Ադրբեջան, Չինաստան, Վրաստան, Իրաք, Իրան, Ղազախստան, Ղրղզստան, Հյուսիսային Կորեա, Կուբա, Լաոս, Լիբանան, Լիբիա, Մոլդովա, Պակիստան, Սուդան, Սիրիա, Տաջիկստան, Թուրքմենստան, Ուզբեկստան և Վիետնամ։
Հիշեցնենք, որ թանգարանի հավաքածուն, որը ներառում է գերմանական Leopard 1 հիմնական մարտական տանկի կտրվածքով մոդելը, ստեղծվել է 1961-1962 թվականներին և 1982 թվականից ի վեր գտնվում է Կոբլենցում։ Այն Եվրոպայի ամենամեծ նմանատիպ հավաքածուներից մեկն է և 1982 թվականից ի վեր այն այցելել է ավելի քան 1 միլիոն մարդ։ Թանգարանը պատկանում է Բունդեսվերի սարքավորումների, տեղեկատվական տեխնոլոգիաների և տեխնիկական աջակցության դաշնային գրասենյակին (BAAINBw)։
