ԱՄՆ Պետդեպարտամենտը հրապարակել է պետքարտուղար Մարկո Ռուբիոյի՝ Երևան կատարած այցի արդյունքների մասին հաղորդագրությունը։
Այցի ընթացքում պետքարտուղար Ռուբիոն հանդիպել է Հայաստանի արտաքին գործերի նախարար Արարատ Միրզոյանի հետ։ Ընդհանուր առմամբ մեկ ժամ տևած այցի ընթացքում երկու երկրների ներկայացուցիչները հայտարարել են «Թրամփի երթուղին հանուն միջազգային խաղաղության և բարօրության» (TRIPP) նախագծի վերաբերյալ երկկողմ շրջանակային համաձայնագրի մասին։
Բացի այդ, կատարվել է մի քանի կարևոր փաստաթղթերի ստորագրում։ Ռուբիոն և Միրզոյանը ստորագրել են Ռազմավարական գործընկերության խարտիան և Կրիտիկական օգտակար հանածոների վերաբերյալ փոխըմբռնման հուշագիրը։
ԱՄՆ պետքարտուղարը նաև իր թվիթերյան (X) էջում անդրադարձել է այցի ընթացքին՝ նշելով, որ այս քայլերը նպաստում են ԱՄՆ նախագահի կողմից կազմակերպված՝ Հայաստանի և Ադրբեջանի միջև պատմական խաղաղության գագաթնաժողովի ժամանակ սահմանված նպատակների իրագործմանը։ Ռուբիոն նաև հայտնել է, որ հանդիպման ընթացքում քննարկվել են խաղաղության գործընթացը և Հայաստանում կայանալիք ընտրությունները։
